Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ora 19:00 e ditës së nesërme pritet të jetë ora më e lumtur e vitit
English

Ora 19:00 e ditës së nesërme pritet të jetë ora më e lumtur e vitit

E premte, 5 gusht 2011, NOA- Kombinimi magjik i këtij viti 6-7-8 është quajtur nga psikologët si koha më e lumtur e vitit. Bëhet fjalë për orën 7 të pasdites, ditën e gjashtë të muajit të tetë, muaji Gusht i këtij viti.

Është një ditë në të cilën shumë njerëz ndihen të lumtur për arsye të shumta si temperatura të larta, pushime verore dhe një fundjavë e lirë për të gjithë të punësuarit.

Një studim në Britaninë e Madhe ka zbuluar se shumica e njerëzve buzëqeshin më shumë përgjatë orës 7 dhe 8 të pasdites. Dita më e preferuar nga shumica e të anketuarve është e shtuna ndërsa Gushti u përzgjodh si viti më i preferuar.

Orët më të lumtura për këdo preferohen të jenë ato pas orës 5 të pasdites, ku edhe orari i punës ka përfunduar.

Ndërkohë që rreth 12 për qind e të pyeturve u shprehën se intervali i kohës 7 deri në orën 8 të pasdites është kohë e preferueshme pasi shumica e tyre në këtë kohë mblidhen në tavolinë e hanë darkën, ose zgjedhin të ulen përpara televizorit e shijojnë një gotë me verë.

Më shumë se një e treta e 9.928 njerëzve të anketuar, rreth 35 për qind u shprehën se dita e shtunë është dita e tyre e preferuar.

Shumë pranë saj ndodhej dita e premte, e cila u preferua nga 31 për qind e të anketuarve.

Shumica e tyre u shprehën se të shtunën janë të lirë dhe kanë mundësi të pushojnë, të ndjekin hobet e tyre dhe të kalojnë kohë të çmuara me të afërmit dhe miqtë.

Pavarësisht se kjo vlen edhe për të dielën, vetëm 14 për qind e britanikëve e përzgjodhën të dielën si ditën e tyre të preferuar.

Ekspertët e shpjeguan këtë duke thënë se humori i tyre ndryshon thjesht duke menduar se ditën tjetër do të kthehen sërish në punë, duke pasur kështu ditë të aktivizuara e me lodhje.

Tre muajt më të preferuar janë muajt Qershor, Korrik dhe Gusht, duke përzgjedhur kështu vetëm stinën e verës.

Ndërkohë që muaji Dhjetor i Krishtlindjeve mban vendin e katërt në listë.

Si koha më pak e preferuar nga të gjithë u zgjodh ora 2-3 e drekës së ditës së martë dhe muajit Shkurt. Ndërkohë që koha më e vështirë për tu zgjuar nga gjumi u përzgjodh ora 3 dhe 4 e mëngjesit.

Studimi zbuloi gjithashtu se 3 në 4 persona, 82 për qind janë të kënaqur me jetën që bëjnë, ndërsa 63 për qind janë më të lumtur tani se nga ç ishin në vitin 2006.

Studiuesi James Frost u shpreh: “ Studimi ynë tregoi se britanikët janë të aftë të gjejnë lumturinë e tyre në gjërat e përditshme. Por me ditën, muajin dhe kohën tonë të preferuar, të cilët koordinojnë në një linjë të përkryer, ora 7 e pasdites së ditës së nesërme është përzgjedhur të jetë ora më e lumtur e vitit. Shijojeni atë! ”

A.Koçi/NOA

KOMENTE