Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Greva e urisë, minatorët takohen sot me ACR, pritet marrëveshja
English

Greva e urisë, minatorët takohen sot me ACR, pritet marrëveshja

Bulqizë, 8 gusht 2011, NOA Update – Pas 15 ditësh grevë urie dhe rrezikut në rritje të jetës së të ngujuarve në minierën e kromit, sot një përfaqësi prej 6 minatorësh nga 13 grevistët e mbetur në minierën e Bulqizës, do të takohen me drejtuesit e kompanisë austriake ACR.

Takimi i shumëpritur do të zhvillohet në orën 16.00 në bashkinë e Bulqizës, e cila ka ndërmjetësuar këtë takim.

Lajmin për këtë takim e bëri publik kreu i Konfederatës së Sindikatave Kolë Nikolla, i cili bëri me dije se gjatë takimit me drejtuesit e ACR-së do të marrin pjesë vetëm gjashtë minatorët dhe përfaqësuesi i bashkisë, si ndërmjetës.

Ka qenë Komisioni i grevës që caktoi përfaqësinë e minatorëve, të cilët do të negociojnë lidhur me kërkesat publike të minatorëve, këtë herë pa praninë e përfaqësuesve të Konfederatës, duke pranuar dorazi kushtin e vënë nga ACR më herët.

Minatorët e Bulqizës do të negociojnë me drejtuesit e ACR-së mbi kërkesat për rritjen e pagës me 40 përqind, përmirësimin e kushteve të punës dhe sigurisë në minierë, uljen e moshës së pensionit, largimin e drejtuesve aktualë të minierës së kromit.

Deri më tani ACR gjatë deklaratave publike ka bërë me dije se është dakord për rritjen e pagës së minatorëve deri në 20 përqind, si dhe nisjen e investimeve në minierë për përmirësimin e kushteve të punës.

Nuk dihet nëse palët do të bien dakord për rritjen e pagës deri në masën 40 përqind, e cila është një kërkesë e panegociueshme për minatorët.

Pas takimit, palët do të duhet të nënshkruajnë një marrëveshje, e cila do të vërë në zbatim kushtet e aprovuara gjatë takimit të sotëm.

Ky takim i kërkuar edhe më herët nga kompania ACR, vjen në kohën kur rreziqet për jetën e minatorëve të ngujuar në grevë urie 1400 metra nën tokë janë në rritje e sipër.

Ekspertët dhanë alarmin se miniera rrezikon të shembet duke vënë përfund minatorët grevistë.

Ndërkohë që përtej rrezikut të shembjes gjendja shëndetësore e tyre është rënduar tejet. Takimi i sotëm është një shpresë për arritjen e mundimshme të minatorëve, që si kurrë më parë këmbëngulën me të gjitha mënyrat arritjen e kërkesave të tyre jetike.

Gjithçka pritet të vendoset në orën 16.00.

mit/NOA

KOMENTE