Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Basha: Pesë qendra ditore për pensionistët e transport falas
English

Basha: Pesë qendra ditore për pensionistët e transport falas

Tiranë, 1 tetor 2011, NOA Update – Kryebashkiaku i Tiranës Lulzim Basha shfrytëzoi Ditën Ndërkombëtare të të Moshuarve për t’i premtuar brezit të tretë se deri në qershorin e ardhshëm do të çelen të paktën pesë qendra ditore për ta në të gjithë kryeqytetin. Qytetari i parë i Tiranës u rikujtoi të moshuarve edhe premtimin e fushatës elektorale se do t’u sigurojë pensionistëve mbi moshën 65 vjeç transport publik falas. Këto premtime kryebashkiaku Basha i bëri gjatë takimit me të moshuarit e qendrës ditore në njësinë bashkiake nr. 9, e rihapur me investimet e Bashkisë, ku kalojnë kohën e lirë dhe u ofrohen çdo ditë shërbime dhe argëtim afro 80 të moshuarve. Kryebashkiaku ripërsëriti se brezi i tretë është në vëmendjen e Bashkisë së Tiranës. “Krijimi i qendrave të tilla në të gjithë territorin e Tiranës, mbetet një objektiv i rëndësishëm i Bashkisë në drejtimin tim dhe unë sot dua t’u them të moshuarve, në të gjithë minibashkitë e tjera të kryeqytetit, se brenda qershorit të vitit të ardhshëm, ne do të hapim të paktën pesë qendra të tilla anembanë qytetit të Tiranës”, tha kryebashkiaku. Një nga pensionistët e falenderoi me këto fjalë Kryetarin e Bashkisë: “Ju falenderoj që na krijuat këtë mundësi, për t’u takuar me ju. Ju e merrni Tiranën në një gjendje të vajtueshme, megjithatë populli i Tiranës e ka të qartë këtë dhe nuk mjafton një mandat, por duhen disa mandate, prandaj urojmë që bashkë me këtë, të jenë edhe disa mandate të tjera, që ju ta bëni Tiranën, ashtu siç keni premtuar”. Duke iu përgjigjur pensionistëve kryebashkiaku i Tiranës u bëri me dije se nuk e ka harruar premtimin për të vendosur transport publik falas për ta, duke pohuar se mbetet prioriteti numër 1. “Unë nuk e kam harruar premtimin tim tjetër, së shpejti do të mbledh të gjithë organizatat e transportit publik në Tiranë dhe do të dekretoj transport publik falas për të gjithë pensionistët mbi 65 vjeç. Këto lehtësi sociale janë një detyrim i yni dhe po kështu, ne do të mbetemi të përkushtuar për të punuar për qëllimin tonë kryesor, më shumë zhvillim ekonomik, më shumë punësim për bijtë e bijat tuaja, në mënyrë që kujdesi për ju, të jetë i natyrshëm, të jetë i përditshëm dhe të jetë i mbështetur fort tek punësimi, tek gjenerimi i të ardhurave ekonomike. Ky mbetet prioriteti numër një i Bashkisë së Tiranës dhe i imi si Kryebashkiak. Ju garantoj se unë do të punoj natë e ditë, së bashku me administratën time, që çdo premtim që ju kam dhënë, ta bëj realitet brenda kohës sa më të shkurtër të mundshme”, u shpreh Kryetari i Bashkisë së Tiranës Lulzim Basha. mit/NOA

KOMENTE