Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Papademos: Greqia ndodhet në një udhëkryq
English

Papademos: Greqia ndodhet në një udhëkryq

Athinë, GREQI, 11 nëntor 2011, NOA - Kryeministri i ri grek, i cili do të drejtojë qeverinë kalimtare të vendit, Lucas Papademos, thotë se vendi i tij ndodhet në një udhëkryq të rëndësishëm dhe se nuk do të jetë e lehtë zgjidhja e problemit të borxhit me të cilin po ndeshet ekonomia greke.

Dje udhëheqësit politikë grekë emëruan zyrtarisht Papademosin, ish-nënpresident i Bankës Qendrore Evropiane, si udhëheqësin e qeverisë së përkohshme, i cili do ta udhëheqë vendin deri në mbajtjen e zgjedhjeve, ndoshta vitin e ardhshëm. Kryeministri grek Xhorxh Papandreu i dorëzoi atij përgjegjësinë për zbatimin e masave të rrepta ekonomike, të kërkuara nga kreditorët ndërkombëtarë, në shkëmbim të një ndihme tjetër për pagimin e borxhit që ka Greqia.

Papademos, i cili do ta bëjë betimin si kryeministri i ri i vendit sot, tha se para tij ka një rrugë aspak të lehtë, për t’u përshkruar. Por ai tha se vazhdimi i përdorimit të Euros është një garanci për stabilitetin monetar të vendit dhe se grekët duhet të jenë optimistë për rezultatin përfundimtar, nëse qëndrojnë të bashkuar.

Ekonomisti grek i shkolluar në Shtetet e Bashkuara, i cili nuk ka kandiduar ndonjëherë për post zyrtar, shihet gjerësisht si një personalitet jo partiak. Analistët thonë se ai ka lidhje të mira në kryeqytetet evropiane.

Më herët, zëdhënësi i Departamentit amerikan të Shtetit Mark Toner tha se Shtetet e Bashkura presin me kënaqësi të punojnë kryeministrin e ri dhe se Greqia është një partnere e rëndësishme dhe mike e vjetër e Ameriks. Ai tha se Shtetet e Bashkuara mirëpresin konsensusin e arritur në Greqi për nevojën e zbatimit të reformave të këruara nga Fondi Monetar Ndërkombëtar dhe Bashkimi Evropian.

NOA/VOA

KOMENTE