Nis në Tiranë, botërori i shahut për femra

Tiranë, 14 nëntor 2011, NOA - Pas botërorit të vrapimit në mal apo europianëve në mundje e peshëngritje, Shqipëria mirëpret sot finalet për titullin botëror të femrave në shah. Ceremonia e hapjes u mbajt mbrëmë në orën 19:00 në Pallatin e Brigadave, në dalje në kryeqytetit, ndërsa ndeshjet do të jenë fillimisht 10 dhe do të zhvillohen nga data 14 nëntor deri më 30 po të këtij muaji. Që ditën e sotme do të pëërballen, kampionia në fuqi e botës, kinezja Hu Jifan dhe sfidantja Humpi Koneru nga India dhe fituesja do të marrë shpërblimin e përcaktuar prej 200 000 eurosh. Ndeshjet do të luhen që të gjitha me nisje në orën 15:00 në hotel “Tirana International” dhe do të zhvillohen sipas një kalendari që parashikon dy takime dhe një ditë pushim në mes. a.q/NOA

• L'anima Candida10:13 - 14 Nëntor 2011
  Ku mund ti shohim keto ndeshje sepse mbreme pashe ne nje televizion qe mund ti shohim ne internet por se tha adresen...