Korçë, 31 Maj 2011 NOA/ Alba Filipi – Një krim i shëmtuar i nisur me grabitje të dhunshme për të vazhduar me përdhunim, i ndodhur në Korçë, ka sot në pranga një autor i cili kërkohej nga policia.
Kapja e Marjon Kolamit, u bë sot ne oren 09:30 pas nje pune te mireorganizuar nga ana e Sektorit te Operacioneve Speciale dhe Kerkimit ne Drejtorine e Policise Qarkut Korçë.
Burime zyrtare policore i thanë agjencisë NOA se u bë i mundur realizimi me sukses i operacionit te koduar “Identiteti i Rreme” ku u be kapja e personit ne kërkim Maljan Mecolli (Marjon Kolami) 24 vjeç, lindur dhe banues ne fshatin Zvezde te rrethit te Korçë.
Maljan Mecolli ka qene person i shpallur ne kërkim prej datës 2 gusht 2006 dhe me Vendim Nr 26 date 22.01.2007 Gjykata e Rrethit Gjyqësor Korçë e ka denuar me tetë vjet burg per veprat penale “Marrëdhënie seksuale me dhune me te rritura” dhe “Vjedhje me dhune”.
Kjo pasi ky shtetas ne bashkëpunim dhe me Redion Terolli ( i cili vuan dënimin ne burg) më 30 korrik 2006 ne aksin rrugor Zvezde-Liqenas kane vjedhur me dhune shtetasit me kombësi Çeke: Robert Tropek dhe shtetasen me iniciale A.K si dhe kane kryer marrëdhënie seksuale me dhune me këtë shtetase çeke.
Policia tha se materialet e përpiluara për kete rast do t’i kalojne Prokurorise se Rrethit Gjyqësor Korçë për veprime te mëtejshme.
a.f/NOA
