Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Burgaj: Në një muaj në Shqipëri kanë hyrë 340 mijë vizitorë
English

Burgaj: Në një muaj në Shqipëri kanë hyrë 340 mijë vizitorë

Tiranë, 13 korrik 2011 NOA – Policia e shtetit ka hartuar një plan të rregullt menaxhimi të pikave të kalimit kufitar. Këtij qëllimi do t’i shërbejë edhe ndihma që OSBE po i jep uniformave blu. Ambasadori Wollfarth është pritur nga drejtori i përgjithshëm Hysni Burgaj.

Burgaj u ndal në mënyrë të veçantë në masat e marra për menaxhimin me sukses të fluksit në Pikat e Kalimit Kufitar gjatë sezonit turistik, veçanërisht të vizitorëve të huaj që vijnë për të pushuar në vendin tonë.

“Vetëm gjatë periudhës 1 Qershor -11 korrik 2011, në territorin e Shqipërisë kanë hyrë rreth 340.000 vizitorë të huaj, të cilët llogariten në rreth 40.000 persona më shumë sesa e njëjta periudhë e vitit të kaluar.

Policia e Shtetit ka marrë të gjitha masat me synim rritjen e standardeve të shërbimit në Pikat e Kalimit Kufitar, garantimin e sigurisë publike në të gjithë zonat turistike të vendit, parandalimin e aksidenteve automobilistike dhe rritjen e sigurisë rrugore në të gjitha akset kryesore dhe në rrugët e zonave turistike, sigurimin e një shërbimi policor në përputhje me Kodin e Etikës së Policisë, si dhe ofrimin e sigurimin e ndihmës ndaj komunitetit në çdo rast nevoje”, tha Burgaj.

Ndërkohë Kryetari i Prezencës së OSBE-së në Shqipëri, Ambasadori Eugen Wollfarth, duke vlerësuar masat e marra nga Policia e Shtetit për menaxhimin e suksesshëm të fluksit të hyrje-daljeve në territorin e Shqipërisë gjatë këtij sezoni turistik, theksoi rëndësinë e bashkëpunimit në vazhdimësi me Policinë e Shtetit.

“Ne sot kemi dhuruar 20 kompjutera për Policinë e Shtetit Shqiptar në mënyrë që të ndihmojmë për menaxhimin sa më të mirë të hyrje-daljeve gjatë sezonit veror në Shqipëri dhe kjo do të mundësojë jo vetëm sigurinë në vend, por do të ndihmojë edhe në zhvillimin e biznesit, sepse ndikon gjithashtu në zhvillimin e sigurt të turizmit.”, theksoi Ambasadori Wollfarth.

a.q/NOA

KOMENTE