Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Skandali i përgjimeve Murdoch, gjendet i vdekur gazetari që dha alarmin
English

Skandali i përgjimeve Murdoch, gjendet i vdekur gazetari që dha alarmin

Londër, 19 korrik 2011, NOA – Gjendet i vdekur në Londër, Shon Hor, i pari gazetar britanik, që dha alarmin për skandalin e përgjimeve të së përditshmes britanike ‘News of the World’, e manjatit Rupert Murdoch.

Vdekja e gazetarit Shon Hor cilësohet dyshimtë nga policia britanike, raportojnë mediat vendase.

Vdekja e tij ndodhi pikërisht një ditë pas dorëheqjes së shefit të Scotland Yard, Sir Paul Stephenson, emri i të cilit doli gjatë hetimeve të skandalit që ka përfshirë Britaninë e Madhe.

Emri i Sir Paul Stephenson, si i implikuar në këtë skandal doli nga marrja në pyetje e ish-zëvendësdrejtorit të ‘News of the World’, Neil Wallis, pjesë e grupit mediatik News Corp, i cili deklaroi se shefi i policisë britanike ka pranuar prej tij dhurata të ndryshme, si qëndrimin prej 20 ditësh në një SPA luksi.

Sir Paul Stephenson u dorëhoq pas arrestimit të Rebeca Books ish-redaktore e News of the World dhe përfaqësuese e lartë e perandorisë mediatike News Corp si dhe Les Hinton, këshilltari drejtues i kompanisë Dow Jones & Co, në Shtetet e Bashkuara të Amerikës.

Skandali i përgjimeve që gazeta britanike “News of the World” e grupit mediatik të manjatit Rupert Murdoch ndërmori në vitet 1997 – 2002 dhe ku përmes korruptimit të policëve britanikë arriti të përgjonte telefonat e njerëzve të njohur dhe të thjeshtë në Britani ka detyruar dy zyrtarë të lartë të policisë britanike të dorëhiqen.

Manjati Rupert Murdoch dhe i biri i tij James do të paraqiten sot përpara parlamentit britanik për t’iu përgjigjur pyetjeve rreth skandalit të përgjimit të telefonave të gazetës ‘News of the World’, e mbyllur tashmë 168 vite pas themelimit të saj.

Ndërkohë, skandali ka bërë që kryeministri britanik David Cameron të kthehet më shpejt nga vizita e tij në Afrikë.

Tabloidi britanik ‘News of the World’ u mbyll javën e shkuar pas publikimit të skandalit të përgjimeve të figurave të njohura publike, politikanëve, gazetarëve, madje edhe viktimave të 11 shtatorit në Shtetet e Bashkuara të Amerikës.

Lidhur me këtë skandal paralelisht edhe FBI ka nisur hetimin për të mësuar nëse janë të vërteta akuzat se gazetarët britanikë kanë përgjuar telefonat e viktimave të sulmeve terroriste në kullat binjake si edhe nëse janë përpjekur t’i japin rryshfet policisë për vjeljen e informacioneve.

mit/NOA

KOMENTE