Tiranë, 17 gusht 2011, NOA – Ekstradohet nga Italia në Shqipëri një shtetas shkodran i akuzuar për një vrasje të mbetur në tentativë.
Zyra Qendrore Kombëtare Interpol Tirana, ekstradoi sot 37-vjeçarin Arben Adem Mlloja, lindur në Shkodër i shpallur në kërkim ndërkombëtar.
Shtetasi Arben Mlloja u dënua pasi në 19.01.2011, rreth orës 14.00, në ambientet e bar restorant “Bexhistani”, në Shkodër, qëlloi me armë zjarri dhe plagosi shtetasin Zamir S., ndërkohë që kishte si qëllim të vriste një person tjetër, i cili ndodhej në tavolinën ngjitur.
Pas ngjarjes Gjykata e Shkodrës e dënoi Mllojën me masën e sigurisë arrest në burg për veprën penale të vrasjes në rrethana të tjera cilësuese e mbetur në tentativë, si dhe armëmbajtje pa leje.
Arben Mlloja u kap në 2 prill të këtij viti falë bashkëpunimit të Interpol Tirana me Interpol Romën.
I arrestuari iu dorëzua përfaqësuesve të Drejtorisë së Përgjithshme të Burgjeve me të mbërritur në aeroportin “Nënë Tereza” në Rinas.
mit/NOA
