English


Krimet e Rënda: Burg italianit që po kalonte drogë në port

Tiranë, 7 Shtator 2011 NOA - Gjykata e Krimeve të RëndaTiranë, vendosi sot që të lërë në qeli italianin G. Simoneli, banues në Viarego- Itali, me shtetësi e kombësi italiane i arrestuar tre ditë më parë në portin e Durrësit me 17 kg hashash.

Nga hetimi doli se droga ishte blerë në një fshat në jug të vendit dhe po tentohej të kalonte efektivët e policisë duke hyrë në tragetin e linjës Durrës-Bari, i thanë agjencisë NOA, burime nga Prokuroria e Krimeve të Rënda.

Droga u gjet e paketuar në 36 pako të mbështjella me natriban brenda së cilës ishin 17 kg hashash të fshehur në makinën e markës “Volvo” me targa BL 319 CR.

Simoneli 45- vjeç, rezulton i dënuar në Itali për bashkëpunim në organizatë kriminale.

e.t/NOA

KOMENTE