Tiranë, 3 korrik 2011, NOA - Shqipëria është e gatshme të rrisë kontributin e saj në njësitë e KFOR-it, por jo në zonat më të nxehta të Kosovës. Garancinë, kryeministri Berisha e ka dhënë në mbledhjen e rradhës së qeverisë.
Duke iu referuar situatën në veri të Kosovës ndërsa shtoi se prania e KFOR-it në veri është një faktor madhor paqeje dhe stabiliteti jo vetëm në Kosovë, por dhe në rajon. “Aktet në veri të Kosovës janë veprime të një grushti kontrabandistësh, aventurierësh, kriminelësh dhe fallangash të Serbisë së Madhe, që kërcënojnë rendin kushtetues të një vendi të lirë dhe të pavarur. Ne bëjmë thirrje që këto zhvillime të mos shënojnë një bllokim të procesit të negociatave mes dy vendeve,pasi ky është interesi më i mirë jo vetem i te dy vendeve por edhe i gjithë rajonit", tha Berisha.
Ai ka shtuar se Beogradi ka tashmë shansin të faktojë se është shkëputur nga ankthi i Serbisë së Madhe.
a.q/NOA
